Номер 255, страница 188 - гдз по белорусскому языку 9 класс учебник Валочка, Васюковіч

255. Прачытайце тэкст і раскажыце, што вы параілі б Васіліне. Перабудуйце сказы з простай мовай у сказы з ускоснай мовай, запішыце іх.

Васіліна — з Віцебска. Яна паступіла ў гэтым годзе ў Беларускі дзяржаўны ўніверсітэт. Дзяўчына вучыцца на філалагічным факультэце і з дапамогай выкладчыкаў-прафесіяналаў спазнае сакрэты роднай мовы і беларускай літаратуры.

Бацькі і сябры часам пішуць Васіліне пісьмы і паведамленні, часта тэлефануюць. Кожны з іх дае свае парады. Бацька кажа: «Займайся сур’ёзна, рыхтуйся да заняткаў у бібліятэцы. Наогул, не сядзі дома, наведвай тэатры і музеі». Мама піша: «Не забывайся нам званіць. Апранайся цёпла, абедай у сталоўцы. Купі сабе руска-беларускі слоўнік, будзе лягчэй вывучаць мову». Малодшая сястра просіць наведаць кнігарню і купіць ёй дапаможнік па фізіцы. Лепшая сяброўка дае настойлівыя парады: «Абавязкова прымай актыўны ўдзел у студэнцкім жыцці, з дзяўчатамі ў пакоі жыві дружна».

255. Я б параіў Васіліне прыслухоўвацца да парад родных і сяброў, бо яны жадаюць ёй дабра, але пры гэтым вучыцца прымаць рашэнні самастойна і знаходзіць баланс паміж вучобай і асабістым жыццём.

Бацька кажа, каб Васіліна займалася сур’ёзна, рыхтавалася да заняткаў у бібліятэцы, наогул не сядзела дома, а наведвала тэатры і музеі.

Мама піша, каб Васіліна не забывалася ім званіць, апраналася цёпла, абедала ў сталоўцы і купіла сабе руска-беларускі слоўнік, бо так будзе лягчэй вывучаць мову.

Лепшая сяброўка дае настойлівыя парады, каб Васіліна абавязкова прымала актыўны ўдзел у студэнцкім жыцці і жыла дружна з дзяўчатамі ў пакоі.