Номер 220, страница 160 - гдз по белорусскому языку 9 класс учебник Валочка, Васюковіч

220. Прачытайце тэкст

Аўтабіяграфія — гэта апісанне свайго жыцця (ад грэч. autos — ‘сам’; bios — ‘жыццё’; grápho — ‘пішу’). Аўтабіяграфія пішацца ад першай асобы, у ёй паведамляецца афіцыйная інфармацыя пра жыццёвы шлях чалавека.

Структура аўтабіяграфіі

1. Прозвішча, імя, імя па бацьку.

2. Дата і месца нараджэння.

3. Сям’я. Занятак бацькоў.

4. Калі і дзе закончана ўстанова адукацыі.

5. Асноўныя факты працоўнай і грамадскай дзейнасці.

6. Занятак таго, хто піша аўтабіяграфію, на момант напісання дакумента.

7. Дата і подпіс.

Узор аўтабіяграфіі
Аўтабіяграфія

Я, Марковіч Алеся Мікалаеўна, нарадзілася 14 лютага 2002 года ў Віцебску. Бацька — Марковіч Мікалай Сямёнавіч — слесар па зборцы металаканструкцый у кампаніі «Віцебск». Маці — Марковіч Анастасія Анатольеўна — настаўнік фізікі ў дзяржаўнай установе адукацыі «Сярэдняя школа № 7 г. Віцебска».

У 2008 годзе паступіла ў першы клас гімназіі № 2 г. Віцебска. У 2019 годзе закончыла гэту ўстанову і паступіла ў Віцебскі дзяржаўны ўніверсітэт імя П. М. Машэрава на педагагічны факультэт. Вучобу ва ўніверсітэце закончыла ў 2023 годзе. Працую ў дзіцячым садзе № 84 г. Віцебска, дзе выконваю абавязкі выхавальніка малодшай групы. Не замужам.

28.08.2025 Марковіч А. М.

✍️ Раскажыце пра свае жыццёвыя планы пасля заканчэння школы. Якой вы бачыце сваю будучую прафесію? Чым яна вас прываблівае?

Пасля заканчэння школы я планую паступаць у педагагічны ўніверсітэт. Я бачу сваю будучую прафесію ў якасці настаўніка беларускай мовы і літаратуры. Мяне прываблівае магчымасць працаваць з дзецьмі, дапамагаць ім адкрываць багацце роднага слова, выхоўваць любоў да сваёй культуры і гісторыі. Я лічу, што гэта вельмі адказная і важная праца — фарміраваць светапогляд новага пакалення і перадаваць ім веды.