Номер 183, страница 135 - гдз по белорусскому языку 9 класс учебник Валочка, Васюковіч

183. Прачытайце тэкст. Ці згодны вы са сцвярджэннямі: «Самая важная місія жанчыны — нараджэнне і выхаванне дзяцей», «Радзіма пачынаецца з маці»?

Радзіма пачынаецца з маці

Маці вучыць нас любіць — сваіх родных, сяброў, людзей, жыццё. Самой прыродай закладзены ў жанчыне мудрасць і дабрыня.

Мацярынская любоў, яе штодзённая праца, заўсёдная вера ў дзяцей заслугоўваюць пакланення і прызнання сям’і, Айчыны. Мы ў заўсёдным даўгу перад сваёй маці — добрай, клапатлівай, адданай. Як важна, каб нашы маці як мага часцей чулі: «Я люблю цябе, мая родная! Я ганаруся табой, мая слаўная!» (Паводле В. Шпакевіч).

Перабудуйце ў тэксце суседнія простыя сказы ў складаназалежныя, бяззлучнікавыя і складаназлучаныя. Растлумачце сэнсава-граматычныя адносіны паміж часткамі і пастаноўку знакаў прыпынку ў перабудаваных сказах.

Якой дзяржаўнай узнагародай у Рэспубліцы Беларусь адзначаюць мацярынскі подзвіг, звязаны з выхаваннем дзяцей?

✍️ Якое свята, прысвечанае жанчыне, адзначаецца ў Беларусі і ў іншых краінах? Раскажыце пра традыцыі яго святкавання.

Мацярынскі подзвіг, звязаны з выхаваннем пяці і болей дзяцей, у Рэспубліцы Беларусь адзначаецца дзяржаўнай узнагародай — ордэнам Маці.

Свята, прысвечанае жанчыне, якое адзначаецца ў Беларусі і ў іншых краінах, — гэта Міжнародны жаночы дзень (8 сакавіка) і Дзень маці.

У Беларусі Дзень маці святкуюць 14 кастрычніка. У гэты дзень прынята віншаваць маці і цяжарных жанчын. Дзеці дораць матулям кветкі, паштоўкі і падарункі, выказваюць сваю любоў і ўдзячнасць. Традыцыйна праводзяцца святочныя канцэрты і мерапрыемствы.

Міжнародны жаночы дзень з’яўляецца дзяржаўным святам і выхадным днём. Традыцыйна мужчыны віншуюць усіх жанчын, дораць ім кветкі (асабліва цюльпаны і мімозы) і падарункі.