Номер 119, страница 89 - гдз по белорусскому языку 9 класс учебник Валочка, Васюковіч

119. Прачытайце тэкст. Абгрунтуйце яго падзел на абзацы.

Нёман-мастак

Мне вядомыя карціны, намаляваныя не рукой чалавека. Малое іх рака майго дзяцінства — Нёман. Немагчыма прадказаць, калі да яго прыйдзе Ф натхненне. Але ў сярэдзіне лета варта прайсціся па пясчаным мелкаводдзі і праверыць, ці ўзяўся Нёман за пэндзаль.

Спярша на прыбярэжную паласу мастак старанна наносіць тонкі слой рачнога ілу, які паступова цвярдзее, высыхае на сонцы. Але пакуль што складана сказаць, ці будзе рака працягваць сваю працу над карцінай.

Праз некалькі дзён уся прыбярэжная паласа пакрылася сакавітай зелянінай. Па лугавіне падняліся жоўтыя кветачкі дзьмухаўцоў. Цяпер можна з упэўненасцю сцвярджаць, што раку наведвала натхненне.

Калі ж вам хочацца ўбачыць карціну ва ўсёй красе, тады дайце мастаку пабыць сам-насам з сабою тыдні два-тры. Затым завітайце сюды ў самае ранняе, як толькі рассеецца туман. Майстар ужо заканчвае карціну, аздабляе траўку іскрыстымі расінкамі-пацеркамі.

Калі вы надумаецеся запрасіць сяброў палюбавацца гэтым хараством, у вас можа нічога не атрымацца. Вада адыдзе ад берага ці, наадварот, залье ўсю мясціну, схаваўшы карціну. Але не варта траціць надзеі, што наступным летам мастак Нёман, натхнёны сонцам і вадою, возьмецца за стварэнне новай непаўторнай карціны (Паводле М. Бусько).

Выпішыце з тэксту складаназалежныя сказы з даданымі дапаўняльнымі і азначальнымі часткамі. Пабудуйце іх схемы.

✍️ Якія карціны, створаныя прыродай, вам даводзілася назіраць? Вусна апішыце адну з іх.

Немагчыма прадказаць, калі да яго прыйдзе натхненне. [ безасабовы сказ ], (калі ...).

Але ў сярэдзіне лета варта прайсціся па пясчаным мелкаводдзі і праверыць, ці ўзяўся Нёман за пэндзаль. [ ... аднародныя выказнікі ], (ці ...).

Спярша на прыбярэжную паласу мастак старанна наносіць тонкі слой рачнога ілу, які паступова цвярдзее, высыхае на сонцы. [ ... назоўнік ], (які ...).

Але пакуль што складана сказаць, ці будзе рака працягваць сваю працу над карцінай. [ безасабовы сказ ], (ці ...).

Цяпер можна з упэўненасцю сцвярджаць, што раку наведала натхненне. [ безасабовы сказ ], (што ...).

Але не варта траціць надзеі, што наступным летам мастак Нёман, натхнёны сонцам і вадою, возьмецца за стварэнне новай непаўторнай карціны. [ ... назоўнік ], (што ...).

Мне даводзілася назіраць, як мароз зімовым ранкам размалёўвае вокны дзівоснымі ўзорамі. Гэта сапраўдныя ледзяныя карціны: на шкле з'яўляюцца то густыя зараснікі папараці, то галінкі дрэў, пакрытыя інеем, то пер'е казачных птушак. Сонечныя промні прабіваюцца скрозь гэтыя ўзоры, і яны пачынаюць пералівацца ўсімі колерамі вясёлкі. Кожную раніцу мастак-мароз стварае новы, непаўторны шэдэўр.